文／范永輝（山口洋客家人 ，這下戴台北市）
頭擺摎朋友討論講假使無法度用客家話討論科技，語言在將來緊來緊無生命力，當容易滅忒，故所想摎客家話連結科技。
這下當神秘个超宇宙（metaverse），meta-係詞頭「超越一般限制」个意思，歸隻詞結合科技个想法過後係「超越現實个宇宙」。佢係一隻物理世界摎虛擬世界摻共下个未來世界，會連接所有个技術應用。物理世界摎虛擬世界共樣係超宇宙个一部分，兩隻世界會有當多深層个互動。
到時節在現實世界裡肚有虛擬空間來模擬摎創新，亻恩俚做得做物理世界裡肚無法度做个事情，增添人類做得體驗个世界範圍，有較多空間來做自家个需求。假使摎超宇宙應用在客家，建立超越無共樣所在个客家社群，大自家做得隨時摎其他个客家鄉親互動，正經係「超越客家个科技」。
其他科技應用在超宇宙肚項負責無共樣个角色，續下來簡單紹介這兜科技。虛擬現實（Virtual Reality）係在虛擬畫面肚項模擬現實環境个技術，透過特定个顯示設備來感受。這技術在超宇宙肚項負責畫面个表現，用个人當像正經在虛擬空間裡背，做得體驗多種感官个互動。
人工智慧（Artificial Intelligence）係用人類做个機器來表現智慧个技術，這技術學習人類互動个模式，過後摎模式轉做演算法處理，故所在超宇宙肚項負責處理能力个支持，做着即時經營互動个內容。
區段鏈（blockchain）係貯資料个區段親像用鏈仔連起來个分散式資料結構，前後个資料區段互相影響，形成對等網路个資料系統。佢个核心理念係除中心化，在得着信任方面有較高个效率，故所在超宇宙肚項負責身分摎規則个認證。
密碼錢（cryptocurrency）係用密碼學原理摎區段鏈技術个虛擬錢，在超宇宙肚項負責價值个交換，必銀摎以太銀係盡有名个密碼錢。
斗換毋得憑證（Non-Fungible Token）係用區段鏈技術个數位資料，逐隻記號个代碼全係無共樣，有獨一無二个價值，有做毋得斗換个特性。佢有數位資產个電子憑證，在超宇宙肚項負責權益个證明，增添人類个創造空間。
物際網路（Internet of Things）係東西連共下還過對換資料个網路系統，做得摎物理世界數位化，這技術在超宇宙肚項負責資訊網路个支持。
華語
之前和朋友討論的時候，說起如果無法用客語討論科技，語言在將來愈來愈沒有生命力，很容易消失，所以想將客語連結科技。
現在很神秘的後設宇宙（metaverse），meta-係前綴「超越一般限制」的意思，整個詞結合科技想法之後是「超越現實的宇宙」的意思。它是一個融合物理世界和虛擬世界的未來世界，會連接所有的技術應用。物理世界和虛擬世界都是後設宇宙的一部分，兩個世界會有很多深度互動。
到時候在現實世界中有虛擬空間來模擬和創新，我們可以實現物理世界中無法做的事情，增加人類可以體驗的世界範圍，有更多空間來實現自我的需求。如果將後設宇宙應用在客家，創立超越地域的客家社群，大家可以隨時和其他客家鄉親互動，真的是「超越客家的科技」。
其他科技應用在後設宇宙裡頭負責不同的角色，接下來簡單介紹這些科技。虛擬實境（Virtual Reality）是在虛擬畫面裡頭模擬現實環境的技術，透過特定的顯示設備來感受。這技術在後設宇宙裡頭負責畫面的呈現，使用者很像置身在虛擬空間中，可以體驗多種感官的互動。
人工智慧（Artificial Intelligence）是使用人類製造的機器來表現智慧的技術，這技術學習人類的互動模式，之後將模式轉換成演算法處理，所以在後設宇宙裡頭負責處理能力的支持，做到實時經營互動的內容。
區塊鏈（blockchain）是儲存資料的區塊像用鏈連起來的分散式資料結構，前後的資料區塊互相影響，形成點對點的資料系統。它的核心理念是去中心化，在得到信任方面更高效，所以在後設宇宙裡頭負責身分和規則的認證。
加密貨幣（cryptocurrency）是使用密碼學原理和區塊鏈技術的虛擬貨幣，在後設宇宙裡頭負責價值的交換，比特幣和以太幣是最著名的加密貨幣。
非同質符記（Non-Fungible Token）是使用區塊鏈技術的數位資料，每個符記的代碼都是不一樣，有獨一無二的價值。它是擁有數位資產的電子證書，在後設宇宙裡頭負責權益的證明，增加人類的創造空間。
物聯網（Internet of Things）是物件連在一起而且交換資料的網路系統，可以將物理世界數位化，這技術在後設宇宙裡頭負責資訊網路的支撐。
