文／黃筱婷，竹東客家人，這下戴竹東鎮（腔頭：海陸腔）

放尞日，?當好坐火車滿哪仔溜上溜下，欣賞臺灣無共樣个光景，乜做得好好感受該隻位所个歷史摎文化；這擺?坐到蘇澳方向个火車，窗門外背个天摎海都係藍色个，一看著?就試著心情當輕鬆乜盡歡喜，無一點鐘个時間，?就來到今晡日愛去尞个位所：瑞芳。

在清朝个光緒年間就有人來到瑞芳這位開墾了，毋過因為瑞芳个交通吂盡方便，所以斯愛倚勢行水路來運輸各種个產品；同時瑞芳乜係宜蘭到臺北當重要个路，若係愛到九份摎金瓜石開礦个人，該斯定著會經過瑞芳這位，無幾久个時間，往來瑞芳个人就緊來緊多了。

?慢慢行過有兜暗摸叮咚个街路就來到瑞芳个後火車頭，在後火車頭个出口有一支石牯燈籠，原來這係瑞芳神社个石燈籠，瑞芳神社這下分人拆忒了，毋過好在神社个石燈籠分人發現過後，就分徙到瑞芳後火車頭保存。

從火車頭行路差毋多五分鐘个時間，就做得到瑞芳老街了，老街个人客無幾多，歸隻老街恬索索仔；瑞芳老街係因為開礦摎輕便車開發正繁榮个街路，所以在細巷仔裡背還看得著頭擺个輕便車路。

在瑞芳老街，有當多間當有歷史个老屋仔，首先?看著一間兩棧樓恁高个洋樓「廖建芳老屋」，老屋係廖建芳商號原本个位所，在樓房最頂背還做得清楚看著有「廖建芳」三隻字；直直行斯會到「林牙科」，這位係瑞芳个第一間牙科診所，毋過今這下所有个建築都拆清清了，斯保存紅毛泥打个樓梯定定，實在分人試著盡打爽。

下晝頭?來到後火車頭無幾遠个「瑞芳旅社」，無想著這間外表當普通个建築係早期瑞芳這位最大个一間旅社，早先交通無當利便，從瑞芳到九份摎金瓜石做生理个人，大部分都會在瑞芳旅社這位歇夜，毋過這下个瑞芳旅社早斯無做了。

瑞芳个後生人差毋多都去到大城市食頭路了，這位斯伸老人家摎細人仔，歸隻瑞芳分?試著有兜仔冷落，其實瑞芳有盡豐富个人文歷史，希望大自家放尞有閒，做得來瑞芳這位行行尞尞，看這隻單純又得人惜个地方。

華語

假日，我總是喜歡坐火車到處走走逛逛，欣賞臺灣不同地方的風景，也可以好好感受當地的歷史文化；這一次我坐上前往蘇澳方向的火車，窗戶外面的天空和港灣都是藍色的，一看到我就感覺心情輕鬆不少也很愉快，不到一個小時的時間，我就到了今天要旅行的地方：瑞芳。

在清朝的光緒時期就已經有人來到瑞芳這裡開墾了，不過因為瑞芳的交通還沒有很方便，所以就要依賴水路來運輸各種的產品；同時瑞芳也是臺北到宜蘭的重要通道，若是要到九份和金瓜石採礦的人，一定會經過瑞芳這裡，沒有多久的時間，往來瑞芳的人潮就越來越多了。

我慢慢走過有點陰暗的街道就來到瑞芳的後火車站，在後火車站的出口有一個石燈籠，原來這是瑞芳神社的石燈籠，瑞芳神社現在已經被拆除了，不過還好神社的石燈籠被發現之後，就被遷移到瑞芳後火車站出口處保存。

從火車站走路約五分鐘的時間，就可以到達瑞芳老街了，老街的遊客不多，整條老街總是靜悄悄的；瑞芳老街是因為採礦及輕便車開發而繁榮的市街，所以在巷弄間還可以看見從前的輕便車道。

在瑞芳老街上，建有許多有歷史悠久的建築，首先我看到一棟兩層樓高的西洋樓房「廖建芳古厝」，古厝為廖建芳商號舊址，在樓房最上方還可以清楚看到有「廖建芳」三個字；往前走則是「林牙科舊址」，這裡是瑞芳的第一家牙科診所，只是目前所有的建築都被拆除，只保留下水泥砌成的樓梯而已，實在是非常令人惋惜。

下午我來到了後火車站不遠處的「瑞芳旅社」，沒想到這間外表很普通的建築是早期瑞芳這裡最大的一間旅社，以前的交通不方便，從瑞芳到九份金瓜石做生意的人，大部分都會在瑞芳旅社休息一晚，只是如今的瑞芳旅社早就已經沒有營業了。

瑞芳的年輕人大多都去到大城市工作了，這裡只剩下老人家和小孩子，整個瑞芳老街讓我感覺有些冷清，其實瑞芳擁有很豐富的人文歷史，希望大家放假有空的時候，可以來瑞芳這裡走走，看看這個單純又可愛的地方。