文／趙叔，文史工作者、客家樂評人，竹東饒平底客家人，這下戴竹東（海陸腔）
大山背在新竹縣橫山鄉，厥行政區算在橫山鄉豐鄉村个西北片。
頭擺清朝時代，先民落來開墾該下，對芎林、石壁潭該位看過來，看著一座大山在頭前，將這個地方个名安到「大山背」，意思係山林壁角个所在。
「有妹莫嫁大山背，上崎石頭堵嘴，下崎石頭捶背，吃番薯傍豬菜。」係當地當有名个諺語，意思係講戴在大山背頭擺生活个困難。毋過這下，大山背係一隻當好遶山花个位所。
第一隻就愛講著大山背樂善堂，係當地个信仰中心，主要係拜三寶佛摎觀音菩薩，還有拜城隍爺、註生娘、三界爺、文昌爺、義民爺。
樂善堂創建於清朝光緒15年（1889年），該當時當地人藍正然看著這位所當好，鍾增錄、葉娘水捐贈廟項土地，起了一間簡單細細間个廟，安到「石峽廟」。到光緒21年（1895年）个時節，日本軍隊來到台灣，第二年（1896年），日本軍隊追擊鍾石妹个軍隊來到大山背地區，石峽廟乜分日本人燒忒，下後在明治35年（1902年），藍正然摎地方人士12儕共下捐錢，摎廟項重新整理，到明治38年（1905年）落成，名仔乜改做樂善堂。該下藍正然乜分人選出來做堂主，還過成立管理委員會。
樂善堂年代久遠，廟項保留當多老文物，還有服侍對地方開墾當有貢獻个鍾石妹、抗日義士姜紹祖个牌位，因為當有歷史个意義摎特色，故所新竹縣政府在 2006年，公告樂善堂係新竹縣个縣定古蹟。
這下樂善堂，雖然有整理過，毋過還係當有味緒，到這位做得感受著頭擺人來到這開墾个辛苦，乜做得來拜拜，請佛祖保佑自家平安，分自家个心肝尋著恬靜
拜六禮拜，輒常有當多人來到樂善堂，有兜人係行去廟後背个大崎棟古道蹶山，乜有人係騎自行車來樂善堂運動。還有人單淨來廟坪看風景，因為廟頭前个風景當靚，做得看著竹東、頭前溪、五龍、九讚頭等所在。
假使有閒來到新竹，歡迎來大山背行尞。
華語翻譯
大山背位於新竹縣橫山鄉，他的行政區上是橫山鄉豐鄉村的西北半部。
在清朝時代，先民來開墾時，從芎林、石壁潭的位置看過來，看到一個橫亙的大山，便將這個地方命名為「大山背」，意思就是很深山的地方。
「有妹莫嫁大山背，上崎石頭堵嘴，下崎石頭捶背，吃番薯傍豬菜。」是當地很有名的諺語，指出了從前生活在大山背的困難。不過現在，大山背是一個非常適合出遊踏青的地方。
第一個要提的就是大山背樂善堂，是當地信仰中心，主祀三寶佛與觀音菩薩，還有陪祀城隍爺、註生娘娘、三官大帝、文昌帝君與義民爺等神明。
樂善堂創建於清朝光緒15年（1889年），由當地住民藍正然看到這裡的位置很好，由鍾增錄、葉娘水捐贈土地，建了一個簡單小廟，名為「石峽廟」。光緒21年（1895年），日軍登陸台灣，第二年（1896年），日本軍隊追擊鍾石妹的軍隊來到大山背地區，石峽廟也被日本人所焚毀，明治35年（1902年）藍正然與12位地方人士共同捐款，重新修建廟宇，明治38年（1905年）完工，也將本廟改名為樂善堂。當時藍正然也被選為堂主，於該時成立管理委員會。
樂善堂的年代久遠，廟內保留了許多古文物，還有供奉對地方開墾有貢獻的鍾石妹、抗日義士姜紹祖的牌位，因為具有相當歷史意義與特色，新竹縣政府於（2006年），公告樂善堂為新竹縣的縣定古蹟。
今天的樂善堂，雖然有修建過，不過還是相當有味道的廟，在這可以感受到前人來到這裡開墾的辛苦，也可以來參拜，請佛祖保佑自己的平安，也讓自己的心靈尋得平靜。
周休二日，時常有許多人來到樂善堂，有的人會去廟後面的大崎棟古道爬山，也有人是騎自行車來到樂善堂運動。還有人單純來廟埕看風景，因為廟前面的風景相當好，可以看到竹東、頭前溪、五龍、九讚頭等地方。
若有空來新竹，歡迎來大山背走走。
