文／張美煜
電台節目主持人、屏東縣福佬庄个關西裔客人、這下戴新北市新店區（海陸腔）
八月半到了，朋友前一駁仔寄來一箱6公斤重个文旦柚，打開來看有十過隻，逐隻都無幾大，怕斯半斤到十兩重左右定。聽講文旦愛較細隻个正較甜較好食；人又講，柚仔愛好食，愛等皮有小可凹凹（ngiabngiab）皺皺，縮過水正好食；看該歸箱柚仔个皮還當亮當金，?就無鬥緊擘來食，反正柚仔做得放當久毋會壞，等加幾日毋怕，又可看靚鼻香，又可「保『柚（佑）』平安」，當好。
?還細時節个1950-60年代，物資缺乏，年節正有好東西食，比論講正月半打菜包，清明做艾粄，五月節包粽仔，七娘生食雞酒，七月半普渡，八月半食月光餅傍柚仔，冬節食粄圓，非常清楚，乜分細人有想望有期待。
毋知幾時起勢，八月半中秋節嗄變「焙肉節」了，食月光餅無恁重要了，「焙肉」正係大事。幾下十年前，在1970-80年代該下，屋下細人還細時節，吂得時八月半，電視早就緊放送「焙肉醬」个廣告「一家烤肉萬家香」，帶動了中秋愛焙肉个風潮，過節係無焙肉，就會分人試著跈時行毋著。乜因為該焙肉醬个廣告，?正知有「萬家香」豆油，臨尾知得該隻牌仔个豆油係六堆客家鄉親開工廠做个，因為支持自家人个想法，?屋下就變成萬家香豆油个死忠愛用者，就係這下人講个「鐵粉」啦。
除了焙肉，當多人乜會焙海產；客人係「山」个族群，大體戴偎山个所在，頭擺罕得食海產，客語裡肚摎「魚蝦蟹」海產相關个名稱當少，拿「蟹」類來講，客話單單就講「毛蟹」無其他，無像福佬話恁多樣；軟體海產乜共樣，斯「魷魚」無其他；「賴」群組有人傳來圖片，教人仰般分「鎖管、魷魚、透抽、章魚、花枝、墨斗魚」，老實講，除忒外形一看斯知个墨斗魚摎魷魚，其他个?本本係分毋清。
客人係山个族群，頭擺个食雜料理係肉氣為主，無海產，最多斯食河壩肚个淡水魚定，所以對海產非常生份。客人毋係海洋族群，乜做得對俗話諺語看出來。像華語講「一舉兩得」，海洋民族个福佬人講「一兼二顧，摸蜆仔兼洗褲」，客話斯講「屙尿合扡鹹菜，屙屎合挖芋仔」；華語形容女人對婚姻當認命係講「嫁雞隨雞，嫁狗隨狗」，福佬話講「嫁雞跈雞飛，嫁狗跈狗走」，恩俚客話講「嫁雞跈雞，嫁狗跈狗，嫁狐狸滿山走」，加了一句「嫁到狐狸滿山走」，因為山項正看得著狐狸，都市摎平洋無。
人講，語言係文化个載體，無論對食雜文化个呈現抑係俗諺个表達，各族群都有爭差：像華語講「烤肉」，福佬話講「烘肉」，客語愛講「焙肉」或「炙肉」，絕對做毋得講「烤肉」。「烘焙烤」，係共意思个詞，無共地區个人各有自家个特殊講法；摎「粄粿糕」共樣，客語講「粄／發粄」，福佬話講「粿／發粿」，華語講「糕／發糕」，對應清楚，毋會混雜。
過了中秋，一?目斯到年下，時間像火箭，攔毋核。中秋節焙肉也好，食柚仔也好，食月光餅乜好，毋好過量，把扼當下歸屋人團圓歡喜過節一等好。
華語：中秋節，從「烤肉」講起
中秋節快到了，朋友前一陣子寄來一箱重達6公斤的文旦柚，打開來看有十幾個之多，每個都不大，大概半斤到十兩重左右，聽說文旦柚要個頭小的較較甜較好吃；又聽說，柚子好吃，是在外皮稍有凹皺，已經有點縮水之後；看那整箱柚子的皮還相當平亮沒有凹陷，我就不急著吃它了，反正柚子可以擺放相當久都不會壞，多擺幾日不要緊，既可欣賞聞香，又可「保『柚（佑）』平安」，沒啥不好。
記得小時候（1950-60年代），物資短缺，逢年過節才有好東西吃，比如元宵包包菜包，清明做艾粄，端午包粽子，七夕吃雞酒，七月半普渡，八月半吃月餅配柚子，冬至吃湯圓，非常清楚，也讓小孩有所想望期盼。
不知何時開始，中秋節竟變成了「烤肉節」，吃月餅已經不那麼重要，「烤肉」倒成了主角。幾十年前，約當1970-80年代，家裡孩子還小，離中秋還滿長時間，電視老早就開始播送「烤肉醬」的廣告，「一家烤肉萬家香」的口號掀起了中秋烤肉的風潮，過節若沒烤肉，就會讓人覺得跟不上時代。也因為那個烤肉醬的廣告，我才知道「萬家香醬油」，後來得知該品牌醬油是六堆客家鄉親開的，基於支持自家人的心理因素，我家就變成萬家香豆油的死忠愛用者了，也就是現在人稱的「鐵粉」啦。
除了烤肉，很多人也會烤海鮮；客家人係「山」的族群，大抵住在近山的地方，以前很少有機會吃到海產，因此客語裡跟「魚蝦蟹」海產相關的詞彙極少，以「蟹」類來說，客話就只有「毛蟹」沒有其他，不像閩南話那麼豐富；軟體海產也一樣，就只有「魷魚」沒有其他；「賴」群組有人傳來圖片，教人如何分辨「小卷、魷魚、透抽、章魚、花枝、墨魚」，老實講，除了外形一看就知道的墨魚（烏賊）和魷魚，其他的我依舊分不清。
客家是山的族群，從前的飲食文化，以肉類為主，並無海產，最多只吃少數河裡的淡水魚而已，所以對海產非常陌生。客家不屬海洋族群，也可以從俗話諺語看出來。像華語說「一舉兩得」，海洋民族的福佬人說「一兼二顧，摸蜆仔兼洗褲」，客話則說「屙尿合扡鹹菜，屙屎合挖芋仔」；華語形容女人對婚姻十分認命說「嫁雞隨雞，嫁狗隨狗」，福佬話說「嫁雞跈雞飛，嫁狗跈狗走」，客語則說「嫁雞跈雞，嫁狗跈狗，嫁狐狸滿山走」，多了一句「嫁狐狸滿山走」，因為山上才看得到狐狸，都市平地沒有。
人們常說，語言是文化的載體，無論從飲食文化的呈現或者俗諺的表達，都體現族群的差異：像華語說「烤肉」，福佬話說「烘肉」，客語則是「焙肉」或「炙肉」，絕對不能講「烤肉」。「烘焙烤」，係同義詞，不同地區的人各有自己的特殊講法；就跟「粄粿糕」一樣，客語講「粄／發粄」，福佬話講「粿／發粿」，華語講「糕／發糕」，對應清楚，不會混淆。
過了中秋，一眨眼就到年底，時間像火箭，攔不住。烤肉也罷，食柚子也好，吃月餅也行，只要不過量，把握當下，跟家人團聚，歡喜過節就是最美好的事。
