文／鍾孝昇（中壢客家人，這下戴中壢）

做學校先生差毋多會二十年哩，不時有參加比賽，又過得獎个情形，大體來講毋係個人得獎，就係摎同事湊伴得著團體獎。毋過，今晡日在中央大學領著个獎，盡特別，係?歸屋下人共下得著个獎，這就係「客委會110年度客語家庭」。

為著愛鼓勵歸屋人共下學客話，客委會舉辦了幾下擺个「客語家庭」表揚活動。只要屋下人兩代以上，有通過客語能力認證，抑係攝影片，展出屋下人做得用客語溝通、對話个畫面，就做得來報名。

爺哀舊年在?个鼓勵下，參加了客語能力初級認證。一生人都講客，從來毋識用過電腦个阿爸，因為歲數較大了，手摎目珠都無麼个聽話了，捉毋核電腦頭前个滑鼠，嗄來名落孫山。阿姆無分生份个電腦嚇著，在考試前，照等三餐上網練習。包尾，盡好彩，分佢順利通過認證考試。

?舊年通過初級認證後，今年繼續打拚，連等通過中級、中高級个認證，故所在符合標準个情形下，?屋下通過審核，得著今年客語家庭个表揚。這垤?屋下人共下得著个獎牌，總算分一生人講客話，嗄無通過初級認證个阿爸，用一家之主个身分，確認佢毋使用考試證明厥客語能力。

看著這寫等「?講客」个獎牌，坐在台下个?，想去想轉，到底「客語家庭」係仰般个家庭呢？

在?屋下，雖然無辦法百分之百來用客語溝通，毋過，這幾年來在族群意識个認同下，客話在屋下緊來緊輒講。?兜看客家電視台个影片，收聽講客廣播電台个節目，乜參加社區客家歌唱班个活動，在生活中滿哪仔都係客家个聲摎影。

為著愛通過客語認證考試，爺哀變做?个客語先生，?乜挑事聽、講、讀、寫全用客話，將自家浸在客語个環境中，分?這慣勢用華語思考个客家子弟，定定仔摎「用客語生活」个能力尋轉來。

敢毋係恁樣？爺哀本旦就係?兜學母語最好个先生，毋過在其他強勢語言个影響下，?兜嗄添放忒這學習母語最好个方法。?試著「客語家庭」，這鼓勵屋下人，自然用客話來溝通，來學習母語个獎勵制度，係振興客話个好方法。

除忒大人細子，今晡日个頒獎典禮，?兜還渡等屋下另外兩個成員，狗妹仔「來玩」、「來瘋」共下參加。本來想分這兩條狗仔在門口翕相定定，無想著這兩條䌈等客家花布頸圍仔个「客家狗」，在工作人員个同意下，毋單淨做得行入會場來觀禮，還上台接受客委會楊長鎮主委个表揚，佢兜應該乜係第一儕接受公開表揚个客家狗。

「來玩」、「來瘋」係?服務个學校—「龍岡國小」畜个狗仔，佢兜除忒?手守衛保護學校个安全，乜係?手推動學校盡多課程个細先生。像?兜辦理「客語生活學校」、「百個客華雙語教師計畫」該下，都有佢兜摎細人仔共下學習个身影。故所，今晡日佢兩儕上台來領獎，確實乜係實至名歸。?也做得盡沙鼻講，佢兜對客家語言、文化个傳承，乜有出一分力个喔。

在這下，客語漸漸末忒个時節，辦理「客語家庭表揚」活動，鼓勵在屋下，向世大人學習客話，這係除忒學校教育以外，盡較重要个母語學習方式。?乜期待有過較多个「客語家庭」，共下學習客話、傳承客話，將「?講客」這三隻字，刻在所有客家子弟个心肝肚。

後記：阿爸上隻月因爭輕可个噼腦筋，戴院治療幾下日後正出院。先生講佢看過恁多噼腦筋个病人，無看過好恁遽、恁好个，緊摎阿爸阿腦。?想阿爸這駁仔，除忒當聽先生个話，煞猛做復健外，頭腦還愛不時分?用各種客語問題來訓練，增加行血，這兜應該係佢做得好恁遽个原因。今晡日，看著阿爸做得定定仔行上台領獎，這正係?兜做子女个人，收著最好个獎品。

華文：得獎有感　記110年度客語家庭表揚活動

當國小老師差不多快有廿年的時間了，常常有參加比賽，又得獎的機會。大體而言，不是個人得獎，就是和同事一起，獲得了團體獎。不過，今天在中央大學領到的這個獎，非常特別，它是由我們全家人所共同得到的「客委會110年度客語家庭」獎項。

為了鼓勵全家人一起學客語，客委會舉辦了許多次的「客語家庭表揚活動」。只要家人中，有兩代以上，通過客語能力認證，或者是拍攝影片，展現出全家可以用客語溝通、對話的畫面，就可以參加報名。

父母親去年在我的鼓勵下，參加了客語能力初級認證考試。一輩子都在講客語，而從來不曾用過電腦的父親，因為年紀大了，手和眼睛都不再那麼靈活，因為沒有辦法順利操控電腦面前的滑鼠，最後只得名落孫山。而母親則無懼陌生的電腦設備，在考試前，照著三餐上網練習，最終，很幸運的，讓他通過了這項認證考試。

我去年通過初級認證後，今年繼續努力，連續通過了中級、中高級的認證，因此在符合得獎標準下，我們全家通過審核，得到了今年客語家庭的表揚。這塊我們全家人共同得到的獎牌，總算讓一輩子都講客語，卻沒通過初級認證的父親，以一家之主的身份，確認了他無需要用考試來證明的客語能力。

看著這塊寫著「?講客」的獎牌，坐在台下的我，思考著怎樣的家庭，才算是「客語家庭」呢？

在我們家，雖然沒有辦法百分之百使用客語溝通，不過這幾年，在族群意識的認同下，客語在我們家愈來愈常使用。我們看客家電視台的影片，收聽講客廣播電台的節目，也參加了社區客家歌唱班的活動，在我們的生活中，到處都充滿著客家的聲音與影像。

為了要通過客語認證考試，父母親變成了我的客語老師。我也刻意聽、說、讀、寫著客語，讓自己沉浸在客語的環境中，這也讓我這個習慣用華語思考的客家子弟，慢慢將「用客語來生活」的能力找回來。

不就是這樣嗎？父母親本來就是我們學習母語最好的老師，不過在其他強勢語言的影響下，我們卻遺忘了這學習母語的好方法。我認為「客語家庭」這種鼓勵全家人，自然而然用客語來溝通，藉以學習母語的獎勵制度，是振興我們客語最好的一種方式。

除了大人小孩，今天的頒獎典禮，我們還帶著家裡的另外兩個成員–狗女兒「來玩」、「來瘋」一同參加盛宴。本來只打算讓兩隻狗兒在門口照照相就足夠的我們，沒想到這兩隻繫著客家花布領巾的客家狗，在工作人員的同意下，不但能進入會場觀禮，還上台接受了客委會楊長鎮主委的表揚，他們應該也是第一組接受公開表揚的客家狗吧。

「來玩」、「來瘋」是我服務的學校–龍岡國小，所養的狗。他們平常除了幫忙警衛叔叔保護學校的安全外，也是學校許多課程，協助推動的小老師。像我們辦理「客語生活學校」、「百名華客雙語教師計劃」的時候，都有他們和小朋友一起學習的身影。因此，今天他們兩個上台領獎，確實也是實至名歸。我也可以非常驕傲地說，他們倆對客家語言、文化的傳承，也是有出一份心力喔。

在這客語漸漸式微的時代，辦理客家家庭表揚活動，鼓勵全家人一起向長輩學習客語，這是除了學校教育之外，更重要的一種母語學習方式。我也期待有更多的客語家庭，一起學習客語、傳承客語，讓「?講客」這幾個字，能光榮地烙印在所有客家子弟的心中。

後記：父親上個月因為輕微的腦中風，住院療養幾天後才出院。醫生說他看過這麼多腦中風的病人，沒有看過復原這麼快、這麼順利的，並一直稱讚著父親的努力。我想父親這一陣子，除了非常聽醫生的話，努力做著復健外，他的頭腦還不時會被我用各種客語問題訓練，藉以增加血液的流動。我想這些應該都是他，能夠恢復這麼快的原因吧。今天能夠看到父親慢慢走上台領獎，這不正是我們做子女的，收到最好的獎品嗎？