文／黃筱婷，竹東客家人，這下戴竹東鎮（腔頭：海陸腔）
竹塹城隍廟在清朝乾隆十三年起好，在西元1891年封官「晉封威靈公——竹塹都城隍」，成為臺灣地區官職階級最大為个城隍爺，對頭擺斯有「竹塹城隍爺、北港媽祖婆」恁樣个講法，做得看得著城隍爺盡受著?這兜老百姓个敬重。
逐年七月半个時節，竹塹都城隍廟會舉行「竹塹中元節城隍祭典」，這係竹塹歸年度等重要乜等鬧熱个宗教儀式，當多虔誠个老百姓都會去城隍廟拜神明求平安，毋過乜愛靠自家打拚正做得。逐年正月半前後个暗晡，城隍廟乜會有盡多花燈來展覽，大人細子斯會共下到城隍廟看光華華个花燈，欣賞當有特色个花燈，這做得講係當多新竹人盡值得回憶个童年。
城隍廟周圍个廟坪都係盡有名个賣點心个店仔，有兜信徒拜好神明，斯餓到肚屎變背囊了，佢等斯會煞煞去該兜賣點心个店仔去尋食，今晡日?斯愛來摎大自家分享幾隻城隍廟廟坪好食个點心。
見擺?到城隍廟拜神个時節，斯會看著當多人在「郭家潤餅」个面頭前排列仔，這間潤餅店面當好尋，因為佢斯在城隍廟个廟坪外背，若係你愛去城隍廟斯定著會經過郭家潤餅店面，遠遠斯做得鼻得著潤餅个香味；這間潤餅店對1906年斯開始做生理了，有超過百年个歷史了，這位賣个潤餅全係人客現場點，店頭家正黏時做，兩下半斯摎好食个潤餅做好了；潤餅皮當薄但係毋會綿綿，內肚包等當萋當幼嫩个玻璃菜摎豆芽，再過委兜地豆粉，食起來毋會油漬漬，一下食兩隻乜毋會膩胲，莫怪生理會恁好。
行入去人尖人个城隍廟个廟坪，做得看著盡多賣點心个店仔，?乜當好食「柳家滷肉飯」，柳家滷肉飯係用當多年个老滷味來炆肥豬肉還過腈豬肉，盡多人客單淨鼻著恁香个味緒，口涎水斯溚溚跌；若係你兜放尞有機會來到城隍廟拜神求平安，一定愛記得來逛這兜當好食个店仔喔！
華語：來去新 竹城隍廟尋找美食
新竹的城隍廟興建於清朝乾隆十三年，在西元1889年改封為「晉封威靈公——新竹都城隍」，成為臺灣地區官位最高的城隍爺，從以前就有著「新竹城隍爺、北港媽祖婆」這樣的說法，可以看得出城隍爺很受到我們老百姓的尊敬。
每年農曆七月的時候，新竹都城隍廟都會舉行「竹塹中元城隍祭」，這是竹塹一整年中最重要也最熱鬧的宗教儀式，許多虔誠的老百姓都會來到城隍廟拜拜求平安，不過也要自己努力打拼才可以。每年元宵節前後的晚上，城隍廟也會有很多花燈的展覽，大人和小孩子就會一起來到城隍廟看光亮的花燈，欣賞很有特色的花燈藝術，這可以說是許多新竹人相當值得回憶的童年。
城隍廟周圍的廟埕都是很著名的小吃店，有些信徒拜拜完之後，常餓到前胸貼後背了，他們就會趕快走到那些賣小吃的店面轉來轉去找食物吃，今天我就要來和大家一起來分享幾個城隍廟的好吃美食。
每次我到城隍廟拜拜的時候，就會看到有很多人在「郭家潤餅」的前面排隊，這家潤餅店非常好找，因為它就在城隍廟的廟埕入口處，如果要到城隍廟就一定會經過郭家潤餅店，從遠處就可以聞得到潤餅的香味；這家潤餅店從1906年就開始營業，已經有超過百年的歷史了，這裡賣的潤餅都是現點現做，一下子就把好吃的潤餅做好了；潤餅皮雖然薄但是不容易稀爛，裡面包有很新鮮脆嫩的高麗菜和豆芽這些，再撒上一點花生粉，吃起來不會油膩膩，一下子吃兩個也不會感覺膩，難怪生意會這麼好。
走進人潮滿滿的城隍廟廟埕附近，就可以看到許多的小吃店面，我也很愛吃的食物就是「柳家滷肉飯」，柳家滷肉飯使用多年的老滷汁來燉煮肥豬肉還有瘦肉，許多客人光是聞到老滷汁的味道就會讓我口水直流；如果你們放假有機會來到城隍廟拜拜，一定要記得來逛逛這些美味的小吃攤位喔！
