夏日˙三線情 鄧雨賢紀念音樂會八月初六、八月十四舉辦个相關消息
【周碩興／新竹湖口饒平腔】新竹縣芎林鄉係台灣歌謠大師鄧雨賢先生家族个老居地，抑係佢最尾任教个位所，該下个花草樹仔變做佢个歌謠創作靈感。新竹縣政府文化局逐年都會舉辦鄧雨賢紀念音樂會，還過以「夏日˙三線情」做主題，紀念鄧雨賢先生个作品。文化局今年規劃2場音樂會，分別係八月初六用戶外打鬥敘个方式舉辦《夏日˙三線情》鄧雨賢紀念音樂會，還過八月十四下晝兩點半在新竹縣文化局演奏廳辦理《東情西調･夏日音樂會》，7月30日上晝9點開始，在文化局服務台開放鄉親來拿票欣賞，渡等大家共下倒轉臺灣民謠个黃金年代。
「尋客MEET HAKKA-桃園客家美食網站」上線！
「尋客MEET HAKKA-桃園客家美食網站」先前啟用。桃園客家事務局局長黃傅淑香表示，客家事務局自102年起認證摎輔導盡多桃園在地个客家餐廳業者，這次特別將桃園市67家業者整合起來，建立美食網站平台，希望在疫情還吂轉好个時節，做得協助業者行銷，未來還會持續邀請更多客家餐廳業者共下來，歡迎大家來桃園品嚐客家好味緒。
數位機會中心學習 ─ 逐格動畫展現家鄉生活 客語配音從在地出發
為了推動教育部配合行政院縮減數位落差政策推行「偏鄉數位應用精進計畫」，苗栗縣政府教育處摎明基基金會合作輔導苗栗縣數位機會中心推廣數位學習，關懷在地鄉親資訊應用，還過提供免費个數位服務摎學習資源。三灣數位機會中心是由苗栗縣三灣鄉農會提出申請的數位地點，有開設動畫課程，教鄉親仰般使用動畫APP，用平板就做得製作動畫，鄉親創意斬蠻多，動畫從家鄉摎生活出發，還過用客語做動畫配音，做出生趣又有在地特色个動畫。縣長徐耀昌表示，數位機會中心个設立，毋單淨做得培養社區鄉親使用數位科技工具个能力，感受著現下數位生活十分利便，還過滿足鄉親生活上數位使用需求，竭誠歡迎民眾多加利用，分生活更加利便。
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
