文／張瑞珍 客語支援教師、新竹縣新埔鎮人、這下戴新北市新店區
「滿山桐花開白花，青青草地披白紗，桐花可比繡球樣，不知花落在誰家？」像歌詞恁靚个地方係哪位呢？這就係?想愛紹介分大家个一個客家莊，也係?个故鄉—新竹縣新埔鎮，這係飼大?个位所，該位有阿姆个乳香，有最醹最香个人情味，哪位都有?个腳跡，朳仔樹頂有?咬了一口个朳仔，河壩脣有?摎阿姆共下在石頭頂洗衫个影仔，甘蔗園有?鑽來鑽去摎阿哥玩囥人尋个笑聲，?目珠眨眨行都毋會行毋著路。新埔靚在哪位呢？
第一、青山綠水好風光：「美不美故鄉水，親不親故鄉人」，新埔真實係青山綠水好風光，路脣隨時做得看著細花細草，囊蜺仔、蝶仔飛來飛去，鮮鮮个空氣，逐年四、五月全鎮山頂桐花白雪蓬蓬飛，講有幾靚就有幾靚，特別到秋天該下，行在山間細路，一陣陣涼風吹來當涼爽，樹葉仔沙沙个聲緊響，有兜高聲有兜低聲，合起來盡像天然个交響樂，天頂飛个鳥仔也啾啾滾，歌聲溜天當好聽。
第二、勤儉熱情客家人：頭擺同學同事朋友最愛來?屋下尞，摘朳仔、水梨還有阿姆煮一大鍋好食个粄圓，客家人一溜里來善良熱情，毋識个人見面都會相借問，「見面三分情，開口七分親，一句正來尞，當過歸十斤」，摎這下社會个花花假假相差實在當多！
第三、客家美食在你食：新埔个粄條、柿餅、桔醬摎水梨全係最有名个，像十月、十一月間新埔黃腍腍个柿餅，分一車車个遊客尞到毋想轉屋下，曬柿餅个柿餅婆係翕相儕最愛翕个鏡頭，新埔街路盡多客家美食店，剁雞肉盤、筍干爌肉、酸酸个豬腸炒薑絲、三層肉搵桔醬等等，想著斯會口水溚溚跌，見擺轉妹家?一定愛先食一碗香香个粄條過願。市場肚還做得買著各種个客家粄：菜包、菜頭粄、芋粄、發粄、九層粄、紅粄等等，還有用桔醬做个枝冰、冰沙。
第四、建築宮廟有特色：最有名个客家廟—義民廟就在新埔，逐年代表客家信仰个義民祭有超過萬人來參加，鬧熱煎煎，還有新埔个老街超過百年个古蹟—陳姓宗祠、供奉三山國王个王爺宮、供奉文昌君个文昌祠，盡有特色。
誠心邀請大家來新埔尞，來享用客家種種美食，欣賞青山綠水，還有特色建築摎宮廟。
華文對譯：
「滿山桐花開白花，青青草地披白紗，桐花可比繡球樣，不知花落在誰家？」像歌詞這麼漂亮的地方是哪裡呢？這就是今天要介紹給大家的一個客家莊，也是我的故鄉—新竹縣新埔鎮，這是我成長的地方，那裡有媽媽的奶香，有最濃的人情味，到處都有我的足跡，芭樂樹上有我咬了一口的芭樂，河邊有我和媽媽一起在石頭上洗衣服的影子，甘蔗園有我鑽來鑽去和哥哥玩捉迷藏的笑聲，我閉著眼睛走都不會迷路。新埔美在哪呢？
第一、青山綠水好風光：「美不美故鄉水，親不親故鄉人」，新埔真是青山綠水好風光，路邊隨時可看到小花小草，蜻蜓、蝴蝶飛舞，新鮮的空氣，每年4-5月全鄉桐花白雪紛飛，說有多美就有多美，尤其到秋天走在山間小路，一陣陣涼風吹來非常涼爽，樹葉沙沙的聲音，有些高聲有些低聲，合起來就像天然的交響樂，天上飛的鳥也啾啾叫，歌聲非常好聽。
第二、勤儉熱情客家人：以前同學、同事朋友最愛來我家玩，採芭樂、水梨，還有媽媽煮的美味湯圓。客家人一向善良熱情，陌生人見面都會打招呼，見面三分情，開口七分親，一句正來尞，當過歸十斤，和現在社會的虛假相差實在很多。
第三、客家美食任你吃： 新埔的粄條、柿餅、桔醬和水梨都是最有名的，像十月、十一月間新埔金黃耀眼的柿餅，讓一車車的遊客流連忘返，曬柿餅的柿餅婆是攝影愛好者最喜歡捕捉的鏡頭，新埔街上處處可吃到客家美食，剁雞肉盤、筍干爌肉、酸酸的豬腸炒薑絲、三層肉沾桔醬等等，口水都要掉下來了，每次回娘家我一定要先吃一碗香香的粄條滿足自己。市場內可以買到千變萬化的客家粄：有菜包、菜頭粄、芋粄、發粄、九層粄等等，還有用桔醬做的冰棒、冰沙。
第四、建築廟宇有特色:最有名的客家廟—義民廟就在新埔，每年代表客家信仰的義民祭吸引了上萬人來參加，非常熱鬧，還有新埔的老街超過百年的古蹟—陳氏宗祠、供奉三山國王的廣和宮、恭奉文昌帝君的文昌祠。
誠心邀請大家來新埔玩，來享用我們客家種種美食，欣賞青山綠水還有特色建築與廟宇。
