文／林苡嘉 大學生、花蓮客家人，乜有原住民身分（平地阿美族）、這下在桃園讀大學
腔頭：四縣腔
花蓮个細人仔大了過後大體都會堵著一隻問題：「愛仰般轉屋？」對大部分人來講，轉屋可能係麼个時節想轉，拜六拜日就做得轉去，毋過對?來講，轉屋係一件當麻煩个事情，尤其係這下疫情恁嚴重个時節。
上大學以後，?非常珍惜逐擺做得轉屋个機會，因為逐擺轉屋都係一擺當大个工程，下二擺愛轉去又毋知係麼个時節了。還細个時節看人寫「鄉愁」，該央時想講，拜託，?屋下有麼个好思念个，逐日分阿姆念，功課寫毋忒，還愛?手做家務，又做毋得決定自家愛食麼个，自家戴在外背毋係當好係？這下?知了，「鄉愁」這種東西係愛離開屋下正會產生个情感，因為你離開咧熟識个位所，離開會包容你个人，離開你既經過慣个生活。
離開屋下以前，?完全毋知這件事情對?个影響有幾大。本來想，?高中就戴在學校，這下淨係換去戴另外一間學校定，有麼个好驚？這下正經自家戴了，正知做麼个會驚。你會驚可能有人跈等你轉到戴个位所，會驚自家个東西分人偷走，還會驚各種奇怪个事情，雖然這可能係?自家想忒多，故所正會驚恁多事情，毋過還有一件事情，應該係大部分自家戴个人都會有感覺个，就係「做伴」。
暗晡時頭，大家都愛轉屋，你轉到自家贌个屋，門關起來，就伸自家一儕人。在學校、在公司發生个事情，無論歡喜抑係悲傷都無人分享，雖然講這下網路當發達，放到網路都會有人看、有人應，毋過關忒網路過後，面對這兜事情，還係淨有自家定定，有成時，因為驚屋下人會愁，還毋敢同佢等講。
還係屋下較好，?想。在屋下，?毋使一儕人面對所有个事情，有屋下人做得?手，做得包容你，做得聽你講學校、公司發生个各種事情。離鄉出外莊，?就愛自家面對所有事情，也毋知下二擺轉屋係麼个時節，故所?特別珍惜逐擺轉屋个時間，珍惜有屋下人做伴个時光。
華語翻譯：
花蓮的孩子長大以後大多會遇到一個問題：「要怎麼回家？」對大部分人來說，回家可能是什麼時候想要回家，週末就可以回家，但是對我來說，回家是一件很麻煩的事，尤其是現在疫情嚴峻的時刻。
上大學以後，我非常珍惜每次可以回家的機會，因為每次回家都是一次大工程，下次能回家又不知道是什麼時候了。小時候看別人寫「鄉愁」，當時我想，拜託，我家有什麼好想的，每天被我媽念，功課寫不完，還要幫忙做家事，又不能自己決定要吃什麼，自己在外面住不是很好嗎？現在我知道了，「鄉愁」這種東西，是要離開了家裡才會產生的情感，因為你離開了你熟悉的地方，離開會包容你的人，離開你已經過習慣生活。
離家以前，我完全不知道這件事對我的影響有多大。我本來想著，我高中的時候就住在學校，現在只是換去另一間學校而已，有什麼好怕的？現在真的自己住了，才知道為什麼會怕。你會怕有人跟蹤你到你的住處，會怕自己的東西被人偷走，還會怕各種奇怪的事情，雖說這可能是我自己想太多才會怕東怕西，但是還有一件事，應該是大部分自己住的人都很有感的，那就是「陪伴」。
夜晚，大家都要回家，你回到自己租的房子，關上門以後，就只剩自己一個人了。在學校、公司發生的事情，不論悲喜都無人能分享，雖說現在網路發達，這些事情放網路上都會有人看、有人回應，但是關上網路之後，面對這些事情，還是只有自己而已，甚至有時候會怕家人知道會擔心，發生了什麼也不敢跟家人說。
還是家裡好，我想。在家哩，我不用一個人去面對所有的事情，有家人可以幫你，可以包容你，可以聽你說學校、公司發生的各種事情。離家以後，我就要自己面對任何事情，也不知道下次回家是什麼時候，所以我特別珍惜每次可以回家的時候，珍惜有家人相互陪伴的時光。
