文／林敬哲 中醫師、新竹香山客人，這下戴新北
腔調：四縣腔
這駁仔，台灣新冠肺炎个本土案例緊來緊多，這二日甚至正式超過萬零儕。愐著舊年，乜係差毋多這隻時節，台灣公告三級管制會有三隻零月；故所這擺人數个增加，難免分大家較緊張！喉嗹胲有一息仔無爽快，可能斯開始驚講係毋係自家哪久去哪位分人遰著。有兜平常時有看漢醫習慣个人，會走來漢醫診所，請醫生合兜仔「預防」新冠个方仔。尤其係新聞媒體報導著「清冠一號」臨床治療效果，有病人嗄對清冠一號當有興趣，希望醫生開兜仔分佢「預防一下」。在這位，想愛簡單摎大自家紹介「清冠一號」。
麼个係「清冠一號」
摎清冠一號功效相干个期刊，最早係到2020年新曆个11月19號發表个A traditional Chinese medicine formula NRICM101 to target COVID-19 through multiple pathways: A bedside-to-bench study。這隻實驗係國家中醫藥研究所同台中榮民總醫院、三軍總醫院團隊共下合作，針對既經分新冠肺炎遰著个病人做个實驗。研究結果發現，清冠一號平均做得減少病人戴院同三採陰差毋多九日。另外，研究證實清冠一號還做得減少病毒摎細胞个結合力、擋忒棘蛋白莫分病毒遰人、降低細胞風暴。研究團隊還發現著，黃芩、狗貼耳這兩種藥材係清除病毒个孔竅。清冠一號在舊年2021年新曆个05月18號得著衛福部核發臨時藥證摎生產，提供漢醫診所摎各大醫院漢醫部使用。
林敬哲醫師舊年拍个「中藥清冠一號个使用注意事項大公開」影片（海陸腔客話）
清冠一號，做毋得一體適用
在這疫情時代，清冠一號个出現分醫療人員多一隻對付病毒个傢啦伙；毋過，這隻傢啦伙係「對付病毒」，也就係正式分病毒遰著个時節用个。清冠一號無「預防」新冠个效果！
各儕人各種體質，著病後个症頭乜無共樣，做毋得看著一隻空，斯鑿隻榫鬥上去，自家做先生！再過講，方仔裡背當多像黃芩、狗貼耳這種較涼个藥材，乜無適合平常時食，毋係逐儕人个體質全適合，尤其係胃腸無調和个人。
分人遰著，仰結煞？
毋過講還講，喊大自家毋好緊張係無可能个！係講大自家有親戚、朋友、同事係確診者，你自家試著有兜症頭無放心，做得去若个漢醫師該片、抑係屋下就近个漢醫診所掛號，摎醫生參詳討論，針對若个情形開方。千萬毋好因為愁慮嗄去囤藥仔，佔著正常个醫療資源使用喔！
華語：
COVID19，中醫不會缺席！
這陣子，台灣新冠肺炎本土案例越來越多，這二天甚至正式超過一萬多例。想起去年，也是差不多這個時間，台灣公告了將近三個多月的三級管制；所以這次確診人數增加，難免讓大家比較緊張！喉嚨有一點點不舒服，可能就會開始擔心自己是不是什麼時候又去過哪裡被傳染到。有些平常習慣看中醫的人，會跑來中醫診所，請醫生配一些幫助「預防」新冠的藥方。尤其是當新聞媒體報導到「清冠一號」臨床治療效果，有病人就開始對清冠一號很有興趣，希望醫生開一些清冠一號給他「預防一下」。在這裡，想簡單和大家介紹「清冠一號」。
什麼是「清冠一號」
和清冠一號功效有關的期刊，最早為2020年11月19號發表的A traditional Chinese medicine formula NRICM101 to target COVID-19 through multiple pathways: A bedside-to-bench study。這個實驗是國家中醫藥研究所與台中榮民總醫院、三軍總醫院團隊一同合作，針對已經感染新冠肺炎的病人做的實驗。研究結果發現，清冠一號平均能減少病人住院和三採陰大約九天。
另外，研究證實清冠一號還能減少病毒與細胞的結合力、阻斷棘蛋白不讓病毒繼續感染、降低細胞風暴。研究團隊還發現，黃芩、魚腥草這兩種藥材是清除病毒的關鍵組成。清冠一號已於去年2021年05月18號獲得衛福部核發臨時藥證生產，供各中醫診所與各大醫院中醫部使用。
清冠一號，不能一體適用
在這個疫情時代，清冠一號的出現帶給醫療人員多一個對付病毒的工具；不過，這個工具是用來「對付病毒」，也就是真的被傳染到病毒的時候所使用的。清冠一號沒有「預防」新冠的效果喔！
每個人體質不同，染病後的反應也不同，不可以看到一個症狀，就用套公式的方式幫自己診斷！再者，方劑中許多像黃芩、魚腥草這種比較偏涼的藥材，也不適合正常狀況下服用，不是每個人的體質都適合，尤其是腸胃不好的人。
被傳染了，怎麼辦？
不過講歸講，要大家不擔心是不可能的！如果各位讀者有親戚、朋友、同事是確診者，你自己出現了一些症狀、有點不太放心，可以到你的家庭中醫師、抑或是住家附近的中醫診所掛號，和醫生討論後，針對你的症狀處方！千萬不要因為擔心而去囤藥，排擠到正常醫療資源的使用喔！
