文／宋勝綱 苗栗頭份客家人、現下戴台中霧峰
腔調：北四縣腔
在台灣有當多所謂个「袐境」，恬靜个山林，像世外桃源。但係在網路發達个世代，袐境一經公告，毋使幾久就會變成觀光勝地，人潮、垃圾、破壞…跈等就來。
台灣苗栗个銅鑼鄉係一个傳統个客家鄉，記得在幾十年前，逐擺坐車抑係駛車在高速公路項，經過銅鑼就看得着，西片析摎公路平行个西湖溪脣，臨暗頭在樹椏項，企淰了在該歇睏个白鶴仔！看過去一片蓬白，十分打眼！
背尾，乜毋知哪久開始，看毋着這恁靚个景色了！係因為水利單位整治，摎本成彎斡个河壩挷直，兩邊脣个石䃗，改成鋼骨紅毛泥个。河壩脣个樹仔挖忒了，白鶴仔也徙竇了，該餳人目光个景色從此看毋着了！
銅鑼九湖村本成係已靚个山排地，有樹園、桂竹園乜有茶園。往山崠頂行，多年以前還有一條袐境，有㧡鹽古道、瞭望台、天空步道、大草原、虎頭崁伯公、大茶園，企在崁頂往西片䀴，看得着通霄摎大海，五月時節還看得着，靚靚白白个油桐花開到滿山野！在網路世界吂恁發達个時代，假使係無親朋好友个通報，哪會知得有該兜罕得有人去到，光景又好个所在。
漸漸仔，這風景優美个山排崠頂，也餳來越來越多人到這遶尞。前幾年九湖个山排，分政府設為銅鑼科學園區，開發到原旦个美景大概消失忒去，雖然部分个美景還有保留，但袐境之名早就消忒！成時亻恩兜人去愐想看啊，到底這兜開發，對在地人來講係得着个較多？也係失忒个較多？
從落泥時到今既經超過一甲子，還細時田竇肚捉鰗鰍、泥圳覓蜆仔、河壩笱魚仔蝦公，如今圳溪、河川个污染，見水就有魚蝦个情景，早就看毋着了；鋼筋水泥个建築代換了茅竂、瓦屋。因爭為着經濟个發展，四界爭取工業區个開發設置，造成生態、環境个嚴重破壞。「袐境」竟然變成「悲景」！
短短个幾十年間，歸個樣質个變化，也使得氣候各變，這係生長在這片土地儕，共同个業障，也必然係愛共下去承受！照等這下个時行話來講：「無法度倒轉去了！」
華語：
「袐境」？「悲景」？
在台灣有很多所謂的「袐境」，恬靜的山林，像世外桃源。但在網路發達的世代，袐境一經公告，過不了多就變成觀光勝地，人潮、圾垃、破壞…跟著就來。
台灣苗栗的銅鑼鄉是個傳統的客家鄉，記得在幾十年前，每回坐車或者開車在高速公路上，經過銅鑼時就可看見，在西邊與公路平行的西湖溪畔，傍晚在樹梢，擠滿了在那裡休憩的白鷺鷥！看過去一片通白，十分亮眼！
後來…也不知何時開始的，再也看不到這片美景了！因為水利單位整治，把溪流截彎取直，兩邊的石籠堤防，變成鋼筋混凝土。溪旁的樹也挖除了，白鷺鷥也遷徙了，那引人目光的美景從此消失不見！
銅鑼九湖村原本是一片美麗的山坡地，有樹林、桂竹林乜有茶園。往山崚方向走去，多年以前還有一條袐境，有挑鹽古道、瞭望台、天空步道、大草原、虎頭坎土地公、大茶園…..站在坎頂往西邊望去，可看得到通霄與大海，在五月時，還看得到滿山遍野雪白的油桐花！在網路世界還未發達的時代，假如沒有親朋好友的通告，哪能得知有那罕有人跡風光又好的地方。
漸漸地，這風景優美的山坡頂上，也吸引越來越多人到這遊賞。前幾年政府把九湖的山坡地，設為銅鑼科學園區，把原本美景開發得幾乎消失殆盡，雖然尚有部分美景保留，但袐境之名早已消逝！有時咱們去深思看看，到底這些的開發，對當地人來說是得到的多？還是失去的較多？
我從出生到今已超過一甲子，小時候田裡捉泥鰍、水圳摸溪蜆、河裡撈魚蝦，而今圳溪、河川的污染，遇水就有魚蝦的情景，早已不復見；鋼筋水泥的建築取代了茅竂、瓦房。為了經濟的發展，四處爭取工業區的開發設置，造成生態、環境的嚴重破壞。「袐境」竟成「悲景」！
短短的幾十年間，整個樣貌體質全變，也使得氣候遽變…這是生長於這片土地的人們，共同的業障，也必然是得共同去承受！套句時下的流行語「回不去了！」」
